Evrópsku Ólympíuleikar Stelpna 2025
— Evrópsku Ólympíuleikar Stelpna, Keppnir
Keppnin EGOI (European Girls' Olympiad in Informatics) 2025 var haldin 14. - 20. júlí 2025 í Bonn, Þýskalandi.
Í ár tók Ísland þátt í keppninni í þriðja sinn. Keppnisforritunarfélag Íslands hafði samband við framhaldsskólanna á Íslandi í leit að áhugasömum stelpum í lok febrúar. Einnig bauð félagið stelpunum sem tóku þátt í Forritunarkeppni Framhaldsskóla.
Framhaldsskólanemarnir sem kepptu fyrir hönd Íslands voru:
- Eva Sóllilja Einarsdóttir, áður í FB
- Frigg Einarsdóttir, MH
Arnar Bjarni Arnarson, liðsstjóri, og Heru Brá Tómasdóttir, aðstoðarliðsstjóri, fylgdu nemendunum á keppnina.
Eva Sóllilja náði 354 stigum og Frigg náði 51 stigum af 600 samtals. Stigafjöldi Evu dugði henni til að ná bronsmedallíu á atburðinum. Þetta var fyrsta medallía Íslands í Evrópsku Ólympíuleikum Stelpna.
Milli keppnisdaga fóru keppendur og liðsstjórar í stutt ferðalag um borgina Bonn með leiðsögn. Einnig var farið upp í Schloss Drachenburg og rústirnar ofar í fjallinu. Stelpurnar okkar hittu fullt af öðrum stelpum frá öðrum löndum og tóku einnig þátt í alls konar skemmtunum eins og borðspilum og karaókí.
Hlekkir: